انا عاوز اتجوز

[السلام عليكــم ورحمـة الله وبركاتــة ،،
انا هكلمكم فى موضوع مهم اوى ويخص جميع الشباب من النوعين وهو انا عاوز اتجوز الكلمه دى كل ما اقابل واحد صاحبى يقولها لى وهذا بسب حاله الفوران الجنسى اللى فى مجتنعنا دلوقتى وكمان حالات التحرش بالبنات اللى زادت فى الفتره الاخيره
ودا بسبب الفوران الجنسى عند الشباب وكمان من ملابس البنات اللى بقت لا تطاق بجد وانا عارف ان فى بنات كتير هتعترض على حكايه الملابس دى ويقولو مش ذنبنا ان الولاد محرومين وكمان احنا فى بلد يكفل الحريات لكل شخص انا معاهم فى كل الكلام ده اوك بس بردو اللبس ما يكونش يالشكل ده بجد مش ينفع مثلا لو واحده لابسه هدوم محتشمه وماشيه فى حالها ومحجبه ومش مبينه حاجه من مفاتنها ما فيش حد هيقرب منها هيعترضوا بردو ويقولوا لما ما نبينش المفاتن هنتجوز ازاى
وبكده نكون وصلنا للمحرك الاساسى للعمليه دى وحاله الفوران الجنسى وزياده حالات التحرش فى البلد وكله بسبب ان كله عاوز يتجوز
الولد: عاوز يتجوز فيروح يخطب واحده اوك فابو البنت اللى راح يخطبها يطلع عينه وعين اهله ب المهر والشبكه والفرح والشقه وكمان العروسه والولد ده لسه يعنى متخرج مش لاقى ياكل وعلى ما يكون نفسه يكون طلع على المعاش فيعمل ايه الغلبان غير انه يبص ويتحرش بالبنات عشان يريح نفسه شويه خاصه ان البنات نفسهم بيدو للولد ده الفرصه انه يعمل كده
نيجى للبنت
البنت: بردوا عاوزه تتجوز وخايفه القطر يفوتها وتعنس تعمل ايه المسكينه غير انها تخلع رداء الحياء وتظهر مفاتنها للرجال عشان تعجب وبردوا ما بتعجبش تزود فبذلك بتدى فرصه للرجاله انهم يتقربوا منها بس والله مش للجواز لغرض تانى خالص وعلى فكره انا راجل وعمرى ما افكر يوم ارتبط ببنت بتعمل كده ابدا فبحيائك هتنولى اللى بالك من غير ما تدنى نفسك لحد ابدا وربنا يبدلكى خيرا من التبرج ويوم ما واحد يتقرب منك ممكن بيكون بيعمل كده بس لحد ما ينول اللى فى باله ويسيبك


د.عبده فياض
]

بجد موضوع جميل لانه موضوع العصر لكل الشباب
تسلم ايديك يادكتور

بصراحه الكلام جرئ شويه
بس انا عايزه اقول طبعا انه مش كل الناس كده وحضرتك اكيد تقصد كده بردو
بس ليه بنقول على لبس البنت بس هو اللى بيعمل مشكله ليه مش بنقول اننا مش قريبين من ربنا
ليه بقى مش عندنا حياء او فكره غض البصر ليه مش بنصوم تطوع عشان نكفر عن ذنوبنا ويحمينا من الشهوات
انا رايى انه لبس البنت عامل كبير بس مش هو الاساس اولا حكايه اللبس وكده دى مبقتش مشكله لو حد عايز يعمل حاجه مش كويسه
فيه وسايل كتير وانتشرت دلوقتى ربنا يحمينا منها بس ابسطها التليفزيون واللى بيتعرض فيه بقى فى كل بيت ومش فيه حد بيعمل كنترول عليه
او انه يشوف حاجات مفيده ومش مسيئه وكمان النت بكل اللى بيحصل فيه
دا جزء بسيط صراحه من رايى عشان مطولش وجزاك الله كل خير
ويارب يحمينا دايما ويغفر لينا وينور بصيرتنا
امين يارب