ة عمل سمك الصياضيةالدمياطي وأنواع آخري

طريقة عمل الصياضية طبعا في أنواع عديدة من السمك إللي ينفع يتعمل منها الصيادية زي مثلا البوري الكبير و البولطي وفي ناس بتعمل أنواع سمك أخري مثل البلاميطة الطريقة طبعا هتنظفي السمك وتغسلية كويس جدا وبعدين لاذم تشيلي الجنحين بتاعة السمك إللي تحت الخياشيم علطول علشان دي فيها مادة زيتية بتظفر السمك وتخلي طعمة ورائحتة وحشة في الأكل * وبعدين هتجيبي بصلتين كبار وتقشريهم وتغسليهم وتخرطيهم بالسكينة لازم بالسكينة علشان تتحكمي في حجم التقطيع ويكون حجم التقطيع متساوي * وبعدين هتجيبي المقلاية إللي هتحمرية فيها وتحطيها علي النار الأول من غير زيت وتقدي تقلبي في البصل لما رحتة تطلع وتحسي إنو دخل علي الإحمرار طبعا كل دة وإيدك متبطلش تقليب فية وبعدين تحطي الزيت وتفضلي تقلبي فيها متسبهاش خالص علي النار وتروحي تعملي حاجة أو تنشغلي عنها بحاجة في المطبخ حتي تحمر وتحسي إنها إسودت وهتلقيها بدأت تطلع دخان أزرق وإوعي تسبيها لما تتفحم مش هتنفع وهتطلع مرة جدا. وبعدين إطفي عليها النار وحطي فوقها ماء ضروري علشان لوسبتيها في المقلاية بفضل درجة الحرارة العالية فيها هتتفحم وإحنا مش عوزين كدة وبعدين هتجيبي حبيتن طماطم وتكون حمرة جدا أو ملعقتين طعام صلصة وتحطيهم في الخلاط وتضربيهم جيدا ولزيدة الإطمئنان صفيهم بامصفاة وبعدين علي حسب كمية السمك إللي هتتبخيها فيها ضعي قليل من الزيت في حلة وبعدين حطي علي الزيت 3فصوص حبهان وحبيتين صغيرة مستكة ولما تشمي الريحة إطفي بالماء وضعي نصف كمية البصل وقليل جدا من النصف الآخر وضعي ملح علي حسب زوقق إنتي وربع ملعقة صغيرة قرفة وسبيها تغلي شوية وبعدين هتجيبي السمك وتضعية فيها والسمك مابيتقلبش علشان ما يتكسرش وطبعا لازم لازم تحطي سر شويبس وهوة ملىء ملعقة شاي صغيرة سكر هتستغربو من السكر ولكن هوة إللي سوف يظهر طعم السمك وتعرفي منين إنو إستوي لما تلاقي السمك ركز في قعر الحلة وبدأ يشق من عند زيلة وقبل ما تتطفي النار ضعي نصف ملعقة صغيرة فلفل إسود وأعصري علية لازم حبيتين عصير ليمون ضروري أما بقي أرذ الصيادية إنتي طبعا بتكوني غسلاة ونقعاه في الماء وبعدين هتجيبي نصف عصير البصلة إللي إنتي حوشتيها وهتضعيها علي الرذ وبعين هطحتي نصف ملعة صغيرة قرفة وزيها فلفل اسود والملح وقليل من الزيت ةتبع ما إنت بتحبي الرز عيزاة مفلفل عيزاة طري شوية حطي علية كمية الماء إللي عوزاها ومتبطليش تقليب في الرز حينما يغلي علشان يستوي كويس وميحصصشي منك ووطي علية النار وسبية يستوي علي رحتو ********* وكلي ويارب تعجبكم وبالهنا والشفا وبقوا قلولي رأيكم ولو عوزين أي وصفة دمياطية إطلبو علطول وأنا بإذن الله هجبهلكم وإدعولي بظهر الغيب إن ربنا يرزقني الخلف الصالح